گوگل ڏسندڙن ڪم ڪاروشين کي سڀ کان وڌيڪ پسند ڪيو

لنڊن (عبرت نيوز) هالي اداڪاره ڪم ڪاروشين کي گوگل تي وڌيڪ سرچ ڪيو ويو، ڪم ڪاروشين گذريل سال ڪجهه اسڪينڊل، ميگزين جي فوٽو شوٽ ۽ رئيلٽي شوز جي ڪري ماڻهن ۾ مشهور ٿي ۽ هن کي گوگل تي وڌيڪ پسند ڪيو ويو. گوگل تي ٻيو نمبر اداڪاره لنڊسي لوهن آهي، جنهن جو سمانٿا روزن سان افيئر هو، ان ڪري هن کي به وڌيڪ پسند ڪيو ويو، هالي وڊ اداڪاره هيٽ  ليجز ٽين نمبر تي آهي، 2008ع ۾ منشيات جي استعمال سبب هن جو موت ٿي ويو هو، جڏهن ته ذريعن مطابق هن کي قتل ڪيو ويو هو. چوٿين نمبر تي برٽني اسپيئر آهي، جنهن جي مشهوري جو سبب فوٽو گرافر عدنان غالب سان افيئر ۽ پنهنجي نئين البم "ڪرس" آهي، برٽني کي گوگل تي وڌيڪ پسند ڪرڻ جو اهو به سبب ٿي سگهجي ٿو ته سندس پرفارمنس ۽ پروفيشنل ورڪ جي ڪري ڪافي ايوارڊ حاصل ڪيا. نيٺ پنجين نمبر تي پسند ڪندڙ اداڪار ناهفتگٽن آهي، هن کي سندس شهرت سبب وڌيڪ پسند ڪيو ويو، جڏهن ته ڇهين نمبر تي انجلينا چولي آهي، 2008ع ۾ هن ٻن ٻارڙن کي جنم ڏنو، ان ڪري کيس نيٽ تي شهرت تمام گهڻي ملي.