”جاسوسي جو الزام“   ڀارت هٿان پاڪستان ۾ پ

نهنجي ئي هاءِ ڪميشن جي عهديدار گرفتار

 نئين دهلي(آن لائن) ڀارتي ڳجهي اداري پاڪستان ۾ ڀارتي هاءِ ڪميشن جي عهديار 53 سالا مڌوري گپتا کي پاڪستان لاءِ جاسوسي جي الزام ۾ گرفتار  ڪيو ويو آهي، مڌوري کي گرفتار ڪرڻ کانپوءِ اسلام آباد ۾ را جي اسٽيشن هيڊ جي نگراني  به سخت ڪئي وئي آهي، ڀارتي خابرو اداري ڀارتي انٽيليجنس عملدارن جي حوالي سان چيو آهي ته مڌوري گپتا اسلام آباد ۾ ڀارتي هاءِ ڪميشن جي پريس ونگ ۾ بطور سيڪنڊ سيڪريٽري طور ڪم ڪري رهي هئي، ان دوران هوءَ ڀارت جي حوالي سان معلومات پاڪستان جي ڳجهن ادارن کي فراهم ڪري ٿي. مڌوري گپتا کي سارڪ سربراهه ڪانفرنس جي حوالي سان مشاورت بهاني نئين دهلي گهرائي 4 ڏينهن اڳ گرفتار ڪيو ويو، نئين دهلي پوليس عدالت کان ان جو 10 ڏينهن جو جڊيشل ريمانڊ حاصل ڪري ورتو آهي ۽ ان کان را آئي بي ۽ ٻيون سيڪيورٽيون جاچ ڪري رهيون آهن. ذريعن مطابق مڌوري گپتا گذريل ٻن سالن کان پاڪستاني ڳجهي اداري لاءِ ڪم ڪري رهي هئي. مڌوري نئين دهلي جي رهواسڻ آهي ۽ 30 سالن کان سرڪاري عهدن تي ڪم ڪري رهي آهي.