پ پ طرفان قومي سلامتي کي ختم ڪري چئني صوبن جي

 گورنرن ۽ سينيٽ چيئرمين کي هٽائڻ جو فيصلو

ڪراچي(آن لائن) پ پ پارليامينٽ جي مڪمل بالادستي لاءِ قومي سلامتي کي ختم ڪرڻ، سنڌ سوڌو چئني صوبن جي گورنرن ۽ سينيٽ چيئرمين کي هٽائڻ جو اصولي فيصلو ڪري ڇڏيو آهي. صدر سنڌ مان ۽ سينيٽ چيئرمين  بلوچستان مان هوندو. ذريعن کان معلوم ٿيو آهي ته پ پ پرويز مشرف جي استعيفيٰ کانپوءِ ملڪ ۾ اهم عهدن تي مقرر مشرف جي حامين کي هٽائڻ جو فيصلو ڪيو آهي انهيءَ سلسلي ۾ سڀ کان پهريان پارليامينت جي بالادستي ۾ مضبوطي لاءِ پرويز مشرف جي قائم ڪيل قومي سلامتي ڪائونسل کي ختم ڪرڻ جو اصولي فيصلو ڪيو ويو آهي. انهيءَ سلسلي ۾ ڪجهه ڏينهن ۾ اعلان ڪيو ويندو. ذريعن کان اهو به معلوم ٿيو آهي ته گورنر سنڌ سوڌو چئني صوبن جي گورنرن ۽ سينيٽ چيئرمين محمد ميان سومرو کي به هٽايو ويندو. سنڌ ۾ اردو ڳالهائيندڙ شخص کي گورنر مقرر ڪيو ويندو، جنهن لاءِ تاج حيدر مضبوط ترين اُميدوار طور سامهون آيو آهي. ذريعن موجب پ پ گورنر کي هٽائڻ ۽ تاج حيدر جي مقرري تي اتفاق راءِ پيدا ڪرڻ لاءِ الطاف حسين سان به رابطو ڪيو آهي. ايم ڪيو ايم عشرت العباد جي تبديلي تي تحفظات جو اظهار ڪيو آهي. سينيٽ چيئرمين کي هٽائڻ لاءِ عدم اعتماد جي تحريڪ پيش ڪئي ويندي. سينيٽ چيئرمين بلوچستان کي ڏني ويندي ۽ جان محمد جمالي کي سينيٽ چيئرمين مقرر ڪرڻ تي غور ڪيو پيو وڃي.ن