حب ويجهو مسافر بس ۽ ٽرڪ ۾ ٽڪر، ٻنهي گاڏين کي باهه، 25 ماڻهو سڙي فوت****وزيراعظم ٻن ڏينهن  جي سرڪاري دوري تي قطر پهچي ويو، هم منصب سان ملاقات****سينيٽ ڪميٽي پاران ساهيوال واقعي جي مذمت، جڊيشل ڪميشن جي گهر****پ پ حڪومت سوا سئو سال پراڻي قانون سنڌ جيل ايڪٽ ۾ ترميم جي منظوري ڏئي ڇڏي
مخالف ڌر اڳواڻ نيب ڪارروائي کي منهن ڏئي ٿو ته وزيراعظم کي به ڇوٽ ناهي: نيب چيئرمين

لاهور (مانيٽرنگ ڊيسڪ) قومي احتساب بيورو جي چيئرمين جسٽس (ر) جاويد اقبال چيو آهي ته جڏهن مخالف ڌر جو اڳواڻ نيب جي ڪارروائي کي منهن ڏئي سگھي ٿو ته وزيراعظم کي ڪا به ڇوٽ نه آهي جو هو نيب جي ڪارروائي کي منهن نه ڏئي. لاهور ۾ تقريب کي خطاب ڪندي جسٽس (ر) جاويد اقبال سڌ سماءَ واري وفاقي وزير فواد چوڌري طرفان وزيراعظم تي نيب ڪيس کي ان جي توهين قرار ڏيڻ تي پنهنجي رد عمل جو اظهار ڪيو. نيب چيئرمين چيو ته مخالف ڌر اڳواڻ نيب جي ڪارروائي کي منهن ڏئي سگھي ٿو ته وزيراعظم کي ڪا به ڇوٽ نه آهي جو هو نيب جي ڪارروائي کي منهن نه ڏئي، اها وزيراعظم جي توهين نه پر ان جي عزت ۾ واڌ ٿي آهي، سندس قد ڪاٺ ۾ واڌارو ٿيو آهي، اهو عملي قدم آهي ته پاڪستان مان بدعنواني جو خاتمو ڪنداسين، ان سان اها ڳالهه ثابت ٿئي ٿي ته پاڪستان ۾ قانون جي حڪمراني آهي، وزيراعظم جو نعرو هو ته هو پاڪستان مان بدعنواني جو خاتمو ڪندو. هن چيو عالمي تاثر آهي ته پاڪستان ۾ بدعنواني جي خاتمي لاءِ سنجيده ڪوششون ڪيون پيون وڃن، قانون جي حڪمراني آڻڻ تي چيف جسٽس ۽ سڀني ججن کي خراج پيش ڪيون ٿا، رمانڊ عدالتون ڏينديون آهن ۽ عدالتون سڀ حقيقتون ڏسي ريمانڊ ڏينديون آهن، انتقام يا زيادتي جو نيب ۾ ڪو تصور ناهي، نيب جو ڪنهن سان ذاتي ملڪيت جو مسئلو ناهي، نيب جو ڪنهن گروپ، سياسي جماعت يا حڪومت سان واسطو ناهي، نيب جي وفاداري ۽ واسطو پاڪستان ۽ پاڪستاني عوام سان آهي، جتي پاڪستان جو مسئلو ايندو ته ڳالهه ٿيندي. جسٽس (ر) جاويد اقبال چيو ته ڏوهه ٿيو آهي ته انڪوائري ٿيندي، اين آر او ڪو به ڏئي ڪنهن کي به ڏئي نيب ان جو حصو ناهي، اسان لاءِ پاڪستان جا مفاد اهم آهن، انهن جو تحفظ ڪرڻو آهي، سياستدان مخالف ڌر جو آهي يا اقتداري، اسان لاءِ احترام رکي ٿو، اسان لاءِ سڀ برابر آهن ۽ اسان ڪنهن کي به ترجيح ناهي ڏني. هن چيو ته اپوزيشن نيب کي گھٽ ۾ گھٽ منشا بم ته نه چوي، نيب ڪڏهن منشا بم هو نه هوندو، نيب هائڊروجن يا نائيٽروجن بم ضرور آهي، جيڪو بدعنواني جي خاتمي لاءِ آيو آهي.