آصف زرداري سان مخدوم رفيق الزمان جي ملاقات، ترقياتي منصوبن ۽ ٻين معاملن تي ڳالهيون****سانگهڙ ۾ پاڻي جي واري تان جهيڙو، فائرنگ ۾ هڪ ڄڻو قتل، 8 زخمي****لاڙڪاڻي ڀرسان ٻارن جي ڳالهه تان ٻن ڌرين ۾ خوني جهيڙو، معصوم ٻارڙو، عورت ۽ نوجوان قتل، 5 ڄڻا زخمي****آصف زرداري جلسي کي خطاب ڪرڻ کانسواءِ هليو ويو
پاناما ڪيس ۾ وزير اعظم نواز شريف کي ڪلين چٽ نه ملي سگهندي: اعتزاز احسن

لاهور (مانيٽرنگ ڊيسڪ) پيپلز پارٽيءَ جو اڳواڻ ۽ سينيٽر اعتزاز احسن پ پ جي مقتول اڳواڻ بابر بٽ جي گھر پهچي ويو، بئريسٽر اعتزاز احسن بابر بٽ جي گھرن وارن سان تعزيت ڪئي، ان موقعي تي ميڊيا سان ڳالهائيندي چيو ته پاناما ڪيس ۾ وزير اعظم نواز شريف کي ڪلين چٽ نه ملي سگهندي، ڇو جو ان وٽ پاڻ کي بي گناهه ثابت ڪرڻ جا ڪي به ثبوت ناهن، پاناما ڪيس ۾ قطري خط تي نواز شريف جو موقف نه ٿو مڃي سگهجي، ڇو جو قطري خط ڪنهن افساني وانگر آهي، هن چيو ته وزير اعظم عدالت ۾ موقف اختيار ڪيو هو ته ان جي والد ۲۵ سال قطر ۾ ڪاروبار ڪيو هو، جنهن مان ان کي اربين روپين جي بچت ٿي هئي، ان رقم مان ئي لنڊن واري ملڪيت خريد ڪئي وئي هئي، پر ان جو ڪو به رڪارڊ موجود ناهي جنهن مان اها ڳالهه صحيح ثابت ٿئي. هن وڌيڪ چيو ته پيپلز پارٽيءَ جو هر ڪارڪن بابر بٽ جي قتل تي غم ۾ ورتل آهي، سندس قتل تي سڄو علائقو سوڳوار آهي، سينيٽر اعتزاز احسن چيو ته بابر بٽ جو قتل ناقابل ڀرڻ جوڳو نقصان آهي، پوليس پنهنجي ڪارروائي صحيح نموني نه پئي ڪري، پوليس ڏوهارين کي تحفظ ڏئي رهي آهي، پنجاب غير علائقو بڻجي ويو آهي، شوڪت بسرا تي حملي جي جاچ به درست نه پئي ٿئي، پاناما ڪيس ۾ رڳو 2 خط پيش ڪيا ويا آهن.