لڏپلاڻ ڪري ويل ڳوٺاڻن مان رڳو اڌ واپس پهتا

غوثپور: ٻوڏ ۾ تباهه ٿيل ڳوٺ مان لڏپلاڻ ڪري شهرن ڏانهن هلي ويل آبادي جو 50 سيڪڙو مس پنهنجي ڳوٺن ۾ پهتا آهن سرڪار پاران ڪا به واهر نه ٿيڻ سبب پنهنجي مدد پاڻ تحت گهرن جي اڏاوت جو ڪم شروع ڪيو آهي. ختم ٿيل گهرن هيٺان کٽون، هنڌ، بسترا ۽ ٻيو سامان اڃا تائين دٻيل آهي. ڪچن گهرن جا نشان به ناهن بچيا پڪن گهرن جا اڌ حصا بچيل رڳو نشان موجود آهن دڙي شهر ۾ موٽر سائيڪلون، گئس جون لائينون، رڪشا، واري جي دڙن ۾ دٻيل هئا. دڪانن ۾ پيل سامان پاڻي ۾ لڙهي ويو آهي اوطاقن، صحت مرڪزن ۾ واري اڏامڻ لڳي ڪچي جي تباهه ٿيل گهرن ۾ نانگن ۽ واڳن جا ديرا ڄميل آهن ۽  ماڻهو گهرن ۾ وڃڻ کان گهٻرائڻ لڳاآهن.